Құрметті оқырман!
Қазақстан Республикасы Мәдениет және спорт министрлігінің Қазақстан Республикасының Ұлттық архиві биылғы жылы жаңа
дизайндағы «Қазақстан архивтері»
тоқсандық ақпараттық және ғылыми-практикалық журналының 2020 жылғы бірінші нөмірі баспадан шыққанын хабарлайды.
Еліміздегі төтенше жағдайға байланысты, қазіргі уақытта басылыммен Қазақстан Республикасы Ұлттық архивінің ресми сайтында (www.ulttykarhiv.kz) танысуға болады.
Нөмірде биыл ел Президентінің тапсырмасымен кеңінен аталып өтетін Әбу Насыр әл-Фарабидің туғанына – 1150 жыл, Абай Құнанбаевтың туғанына – 175 жыл, Екінші Дүниежүзілік соғысы аяқталуының 75 жылдығы сынды бірқатар тарихи маңызды даталарға арналған материалдар жарияланды. Сонымен қатар архив ісінің тәжірибесі мен әдістемесі, тарихи тұлғалар, архивтер тарихын баяндайтын мақалалар да жарық көрді.
