Бүгін Қазақстан Республикасы Ұлттық архивінің директоры Сағила Есімсейітқызы Нұрланованың туған күні!
1 083
Құрметті Сағила Есімсейітқызы!
Қазақстан Республикасы Ұлттық архивінің ұжымы Сізді бүгінгі төл мерекеңіз – туған күніңізбен шын жүректен құттықтайды!
Көп жылдар бойы мемлекеттік органдарда лауазымды қызмет атқарып, толайым тәжірибеңіз бен білім-білігіңізді еліміздің архив саласын дамытуға арнап, бүгінде Ұлттық архивтің жан-жақты дамуына бар күш-жігеріңіз бен қажыр-қайратыңызды жұмсаудасыз.
Бойыңыздағы еңбекке адал, мақсатқа берік қасиеттеріңіздің арқасында Сіз бүгінде кең байтақ еліміздің бас қаласы – Нұр-Сұлтанның символына айналған Бәйтерекпен іргелес қоныс тепкен Ұлттық архивті шебер басқарып келесіз.
Әріптестеріңіз Сізді ақылман басшы, іскер ұйымдастырушы, жарқын бастамалардың қолдаушысы ретінде ерекше бағалап, құрмет тұтады.
Осынау қиындығы мен қызығы мол қызмет жолыңызда тек жемісті жеңістер мен баянды белестер тілейміз. Қоластыңыздағы әріптестеріңізге сыпайы да сымбатты бейнеңізбен әрдайым үлгі-өнеге болып, жайдары мінезіңізбен қуанышты көңіл-күй сыйлап, әсерлі энергетикаңызбен биікке ұмтылар күш-қуат беріп, ақылды да іскер шешімдеріңізбен алысты көздер бағыт-бағдар нұсқап жүре бергейсіз!
Өзіңізге қонар бақтың баяндысын, бітер дәулеттің көл-көсірін, келер ырыстың ысырап болмауын, жүрек гүлінің мәңгі солмауын, шаңырағыңызға шаттық орнауын, Тәңірдің шексіз қолдауын тілейміз! Әрқашан осы жігерлі, қуатты қалпыңыздан таймай, әлі де талай асулардан аса беріңіз!
Құрметпен,
Қазақстан Республикасы
Ұлттық архивінің ұжымы
