БІЗДІҢ БАСЫЛЫМ

📖Бүгін ҚР Ұлттық архивінің «Қазақстан архивтері» №4(72) 2024 журналынан Орталық мемлекеттік ғылыми-техникалық құжаттама архивінің директоры Жұматаева Баян Амантайқызының «Еңселі елдің ұлы тарихын толықтырған құжаттар» мақаласын бөлісеміз.

⚜️Мақаладан үзінді:
🔷Бұл жерде ұлттық сананың ұясы ұлт тарихында екенін «Өткенін ұмытқан халықтың болашағы бұлыңғыр» деген тәмсілді сөз дәлелдейтіндей, бабаларымыздың өмірі мен олардың ғажап өркениетін паш ететін құнды жәдігерлер баға жетпес құжаттық мұрамызды молайтатына және жас ұрпақтың өз тарихын терең тануына жол ашатына сенімдіміз. Бабаларымыз ғасырлар бойы ұшқан құстың қанаты талып, жүгірген аңның тұяғы тозатын ұлан-ғайыр аумақты ғана қорғаған жоқ. Ұлттың болашағын, келер ұрпағын, бізді қорғады. Сан тараптан сұқтанған жат жұртқа Атамекеннің қарыс қадамын да бермей ұрпағына мирас етті.
🔸«Архив-2025» бағдарлама негізінде архившілермен қатар отандық және шет елдік архивтермен тығыз қатынас орнатқан тарихшылар, мәдениеттанушылар мен деректанушылар да іздеу-зерттеу жұмыстарын жүзеге асыратын болады. Осы бағытта үлкен күш салынып, талай ғылыми экспедициялар ұйымдастырылып, архив қоймалары құжаттармен толықтырылды. Бүгін міне осы жиынымызда нәтижелерге баға беріліп, биылғы жылдың түйіндеу кезеңіне де жеттік.
🔺2024 жылы «Архив-2025» жобасы аясында Орталық мемлекеттік ғылыми-техникалық құжаттама архивінің 21- қызметкері – 7 шетел (Түркия, Польша, Әзірбайжан, Чехия, Грузия, Ресей (Мәскеу, Санкт-Петербург, Самара) Мысыр) мемлекеттеріне Қазақстан тарихына қатысты құжаттарды анықтау және көшірмелерін сатып алу мақсатында ғылыми экспедицияларға қатысты.
📍Іс-сапар негізінде;
📌Латвиядан неміс тіліндегі кітапта Тартарияның шекарасын көрсететін ескі карта айқындалды. «Қол атласында» 1460-1833 жылдар аралығындағы Түркістан мен қырғыз-қазақтардың шекарасын көрсететін карталар жинағы, «Қалджыр даланы суландыру жоба картасы және Латвия халқының Қазақстанның тың және тыңайған жерлерін игеруге қатысуы жөнінде құжаттар көшірмелері әкелінді.
📌Мысыр елінен Отырар қаласында 940 жылы дүниеге келген ғұлама Әбу-Насыр Исмаил ибн Хаммад, әл-Джаухаридің жазбалары; Бейбарыс сұлтан тарихы; Мысырдың 18-ші Бурджи-мәмлүк сұлтаны болған Дешті Қыпшақтан шыққан Қайтпай сұлтан тарихы туралы құжаттар (872-901ж оның билік кезеңі) табылды.

#БіздіңБасылым