Ұлттық архивте Шерхан Мұртазаның шығармашылық мұрасына арналған дөңгелек үстел өтті

2026 жылғы 2 ақпанда Қазақстан Республикасының Ұлттық архивінде Ұлттық баспасөз күніне орай «Шерхан Мұртазаның қаламгерлік қазынасы» тақырыбында дөңгелек үстел ұйымдастырылды.

Іс-шара Қазақстан Республикасының Ұлттық архиві мен «Қазақ газеттері» серіктестігінің бірлескен бастамасымен өтті. Дөңгелек үстелдің негізгі мақсаты – мемлекет және қоғам қайраткері, көрнекті жазушы Шерхан Мұртазаның қолжазбалары мен құнды құжаттарын Ұлттық архив қорына қабылдау, шығармашылық, публицистикалық және қоғамдық қызметін кеңінен насихаттау, оның бай рухани мұрасын тарихи құндылық ретінде дәріптеу.

Іс-шара аясында Шерхан Мұртазаның жеке қорынан алынған сирек құжаттар, фотосуреттер мен кітаптар қойылған көрме ұсынылып, зақымданған құжаттарды қалпына келтіру жұмыстары туралы бейнежазба көрсетілді.