📌 Ұлттық архивте жұмыс кеңесі өтті

2026 жылғы 19 ақпанда Қазақстан Республикасының Ұлттық архивінде архив ісі саласындағы өзекті мәселелерге арналған жұмыс кеңесі ұйымдастырылды.
Кеңеске Архив істері, құжаттама және кітап ісі комитеті, Қазақстан Республикасы Жасанды интеллект және цифрлық даму министрлігі, «ҰАТ» АҚ, сондай-ақ Ұлттық архив басшылығы мен жауапты бөлім қызметкерлері қатысты.
Жиын барысында 2007–2013 жылдар аралығында көрсетілген «Қазақстан Республикасы Ұлттық куәландырушы орталығының тіркеу куәлігін беру және шақыртып алу» мемлекеттік қызметіне қатысты құжаттарды сақтау, олардың есептік нысанын айқындау мәселелері қаралды.
Сонымен қатар:
▪ тіркеу куәліктерін беру және кері қайтарып алуға байланысты құжаттардың сақтау мерзімдері;
▪ қолданыстағы нормативтік талаптарды тәжірибеде қолдану тәртібі;
▪ «Ашық үкімет» порталындағы электрондық құжаттарға сараптама жүргізу мәселелері талқыланды.
Кездесу қорытындысы бойынша жұмысты одан әрі жетілдіру бағытында нақты ұсыныстар әзірленіп, тиісті нұсқаулар берілді.