Бүгін Мірболат Жақыповтың туған күні!

Құрметті Мірболат Хабиұлы!

Сізді бүгінгі көктемнің шуақты күнімен қатар келген туған күніңізбен шын жүректен құттықтаймыз!

Сізді, көпшілік мемлекеттік қызметте архив ісін ұйымдастырушы, соның ішінде электрондық құжатайналымды жолға қойған, Отанымыздың жарқын болашағы үшін аянбай тер төккен зиялы тұлға ретінде таниды. Өмір жолыңызда еңбексүйгіштік, қоғамдық белсенділікпен ерекшеленіп, нағыз азаматтық қасиеттерге ие болмысыңызбен әріптестеріңіздің ыстық ықыласына бөлендіңіз.

Өз ісіңізге деген сүйіспеншілігіңіз арқылы парасатты да рухы биік ізбасарлар тәрбиелеуде де дарынды ұйымдастырушы бола білдіңіз. Тәуелсіз Қазақстанның тұғырының биік болуы жолындағы еңбегіңіз еселене берсін!

Сізге осындай мерейлі күні шын көңілден мықты денсаулық, қажымас қайрат, отбасыңызға баянды бақыт, алдағы уақытта да ел мүддесі үшін қолға алған әр ісіңізге сәттілік тілейміз!