Орынборда Архив саласындағы Қазақстан – Ресей комиссиясының отырысы өтуде
![](https://www.ulttykarhiv.kz/wp-content/uploads/2024/02/391736823_725775616319343_806945894544436157_n-1.jpg)
Орынборда Архив саласындағы Қазақстан – Ресей комиссиясының отырысы өтуде.
Орынбор қаласында (Ресей Федерациясы) Архив саласындағы ынтымақтастық бойынша Қазақстан-Ресей комиссиясының 4-отырысы өтуде.
Іс-шараға Қазақстан Республикасы Мәдениет және ақпарат министрлігі Архив, құжаттама және кітап ісі комитетінің басшылығы және еліміздегі мемлекеттік архивтердің директорлары қатысуда.
Жиында 1927-1934 жылдар аралығындағы ашаршылық, Ұлы Отан соғысы жылдарындағы Қазақстанның рөлі бойынша бірлескен құжаттар жинағын дайындау мәселелер талқыланды. Сондай-ақ 1920-1960 жылдар аралығындағы Қазақстан мен Ресейдегі тың және тыңайған жерлерді игеру, 1931-1934 жылдары Бүкілресейлік Орталық атқару комитеті Балалар комиссиясының материалдары негізінде жинақталған «Ресей өлкелеріндегі қазақ босқындары балаларының тағдыры туралы бірлескен құжаттар жинағын шығару туралы мәселелер келісілді.
Аталған іс-шарада Қазақстан Республикасы Ұлттық архивінің директоры Нұрланова Сағила Есімсейітқызы «Архивті цифрландыру: дамудың жаңа траекториясы» тақырыбында баяндама жасап, аталған тақырып бойынша жан-жақты мәселелерді көтерді.
![](https://www.ulttykarhiv.kz/wp-content/uploads/2024/02/391623739_725775579652680_5661297244863858142_n-300x225.jpg)
![](https://www.ulttykarhiv.kz/wp-content/uploads/2024/02/391624619_725775739652664_1854933602258006577_n-300x213.jpg)
![](https://www.ulttykarhiv.kz/wp-content/uploads/2024/02/391605183_725775649652673_4623084199866078218_n-169x300.jpg)
![](https://www.ulttykarhiv.kz/wp-content/uploads/2024/02/391625153_725775709652667_5646541424700486801_n-225x300.jpg)