Ұлттық архив директоры Еуразия ұлттық университеті студенттеріне дәріс оқыды
2026 жылғы 8 сәуір күні Қазақстан Республикасы Ұлттық архивінің директоры Сағила Нұрланова Л.Н. Гумилев атындағы Еуразия ұлттық университеті Тарих факультетінің студенттерімен кездесіп, Қазақстанның жаңа Конституциясына қатысты мазмұнды дәріс оқыды.
Кездесу барысында студенттерге еліміздің конституциялық даму кезеңдері мен негізгі өзгерістер туралы кеңінен баяндалып, тақырыпқа байланысты деректі фильмдер көрсетілді. Дәрістен кейін студенттер арасында еркін пікір алмасу өтіп, маңызды мәселелер бойынша талқылау ұйымдастырылды.
Аталған шара Қазақстан Республикасының Ұлттық архиві мен Л.Н. Гумилев атындағы Еуразия ұлттық университеті арасындағы меморандум аясында ашылған Тарих кабинетінің жұмысы барысында жүзеге асырылды. Бұл бастама жастардың тарихи санасын қалыптастыруға, жаңа Ата Заңның ел өміріне тигізетін әсері туралы тереңірек танып-білуіне мүмкіндік береді.
